Reseıdiń Krasnoıar ólkesindegi órtten 5 adam qurban boldy
ASTANA. QazAqparat - Reseıdiń Krasnoıar ólkesindegi Sýhobýzımskoe aýylynda qutqarýshylar janyp ketken ıesiz úıden 5 adamnyń máıitin tapty. Olardyń 4-ýi balalar. Bul týraly TJM óńirlik basshylyǵynyń saıtynda jarııalandy, dep habarlaıdy lenta.ru.
Taǵy bir bala ıis tıip, ortalyq aýdandyq aýrýhanaǵa jetkizildi. Qazir onymen psıholog jumys júrgizýde.
Dalaly aımaqta aǵash ǵımarattyń órtenip jatqandyǵy týraly aqparat turǵyndardan kelip túsken. Órtti sóndirýge jeke quramnan 7 adam men 3 dana tehnıka jumyldyrylǵan. Órt 40 mınýttan soń sóndirildi.
Tergeýshiler bolǵan oqıǵnyń eki sebebi bolýy múmkin dep otyr. Olardyń biri órt qaýipsizdigi erejelerin saqtamaýmen baılanysty bolsa, ekinshisi ot jaǵýda jiberilgen olqylyq.
23 shilde kúni Chelıabi ólkesiniń Verhnıaıa Kabanka aýylynda bolǵan órt kezinde 4 bala mert bolǵan edi. Órt kezinde úı ıesi 3 qyzymen jáne 1 nemere qaryndasymen birge bolǵan. Órtten tek er adamdy ǵana qutqaryp qalý múmkin boldy.
