Reseıdiń Krasnodar ólkesinde 5 jasóspirim muz astynda qaldy
ASTANA. QazAqparat - Reseıdiń Krasnodar ólkesinde 5 jasóspirim muzǵa qulady. Osy ýaqytta olardyń tek ekeýiniń ǵana deneleri tabyldy. Bul týraly Rıa Novostı agenttigine Reseıdiń Tergeý komıtetiniń ókilderi habarlady.
Oqıǵa Tımashev aýdanynyń Sadovod aýylynda boldy. 13-14 jas aralyǵyndaǵy jasóspirimder serýendep, úıge qaıtyp kele jatqan. Jol qysqartamyz degen maqsatpen olar muz ústimen júrip ótpek bolyp, jarylǵan muzdyń astynda qaldy.
Balalardyń biri qutqaryldy, taǵy bireýiniń máıiti sýdan shyǵaryldy. Keıinirek ekinshi jasóspirim de óli kúıinde tabylǵandyǵy habarlandy. Ózgelerdi izdestirý jumystary jalǵasýda.
Óńirlik prokýratýra ókilderiniń habarlaýynsha, jasóspirimderdiń barlyǵy úlgili otbasynda dúnıege kelip, durys tárbıe alǵan balalar.
Reseıdiń Tótenshe jaǵdaılar mınıstrliginiń saıtynda oqıǵa ornyna izdestirý-qutqarý qyzmetiniń ókilderi jóneltilgendigi habarlanǵan. Oqıǵa ornynda joǵalǵandardy izdestirý jónindegi arnaıy vedomstvoaralyq shtab quryldy. Sondaı-aq 80 adam men 22 tehnıkadan arnaıy jasaq quryldy.
