Reseıdiń Qorǵanys mınıstrligi: Qarabaqtaǵy beıbit rejımdi buzýdyń alǵashqy deregi tirkeldi

MÁSKEÝ. TASS-QazAqparat – Taýly Qarabaqta áskerı qaqtyǵystar aıaqtalǵan jáne óńirde RF bitimgerlik operatsııasy bastalǵan sátten beri alǵash ret oq atpaý rejımi buzyldy. Bul týraly senbi kúni jarııalanǵan RF Qorǵanys mınıstrliginiń bıýlleteninde habarlandy, dep jazady QazAqparat TASS-qa siltememen.

«Reseıdiń bitimgerlik kúshteriniń kontıngenti Taýly Qarabaqta jumysyn jalǵastyrýda. 23 baqylaý postarynda kúni-túni jaǵdaıdy baqylaý, sonyń ishinde oq atpaý rejımi buzylmaýyn qadaǵalaý júrgizilýde. 11 jeltoqsanda Gadrýt aýdanynda tynyshtyq rejımin buzýdyń bir deregi tirkeldi» delingen bıýlletende.

9 qarashada RF Prezıdenti Vladımır Pýtın, Ázerbaıjan prezıdenti Ilham Alıev jáne Armenııa premer-mınıstri Nıkol Pashınıan Taýly Qarabaqta atysty tolyqtaı toqtatý jóninde birlesken málimdemege qol qoıǵan edi. Reseı basshysynyń aıtýynsha, ázerbaıjan jáne armıan tarapy sol sátte ıelik etip otyrǵan jerinde qalady, al osy óńirge Reseıdiń bitimgerlik kúshi ornalasady.