Reseıdiń Qoǵamdyq palatasy 31 jeltoqsandy demalys kúni etip jarııalaýdy surady
ASTANA. QazAqparat - Reseı Federatsııasy Qoǵamdyq palata múshesi Sýltan Hamzaev RF Eńbek jáne áleýmettik qorǵaý mınıstrligine 31 jeltoqsandy resmı demalys kúni etý múmkindigin qarastyrýdy suraǵan ótinish jiberdi.
Hamzaevtyń aıtýynsha, 31 jeltoqsandy mereke aldyndaǵy jáne qysqartylǵan kún ekenin eskergen jón, dep jazyldy «Izvestııa» maqalasynda.
«Jańa jyl aldynda mańyzdy sheshimder qabyldanbaıdy, keńsede negizinen basshylyq bolmaıdy. Olardyń bul kúngi paıdalylyǵy nólge teń. Bul kúni azamattar memlekettik mekemelerdiń qyzmetine júginetinine kúmánim bar. Sondyqtan, bul kúndi tıimsiz jumys kúni dep sanaýǵa bolady. Qansha adam sol úshin kepteliste turyp, jumysqa baryp áýre bolady. Jartysy merekelik dastarhanǵa daıyndalý úshin erterek suranyp ketedi. Bul jumys kúniniń mańyzy bar ma?» - dep atap ótti Sýltan Hamzaev.
