Reseıdiń Kemerovo qalasyndaǵy órt qurbandarynyń sany 64-ke jetti
ASTANA. QazAqparat - Kemerovodaǵy saýda ortalyǵynda bolǵan órt apatynan qaıtys bolǵandar sany 64 adamǵa jetti, dep habarlaıdy QazAqparat TASS-qa silteme jasap.
«Ókinishke qaraı, apat saldarynan qaıtys bolǵandar sany 64-ke jetip otyr», - deıdi Reseı TJM basshysy Vladımır Pýchkov.
Onyń sózine qaraǵanda, alty adamnyń denesi áli shyǵarylmaǵan.
Órt sóndirýshiler 1,5 myń sharshy metrdi sharpyǵan jalyndy sóndirgen. Alaıda ǵımarattyń qulaý qaýpi bar. Qalaǵa ǵımarattarǵa tireýish retindegi qosalqy qondyrǵylar jetkizilgen.
Foto: Maksım Grıgorev/TASS
