Reseıdiń Qazaqstandaǵy Elshisi skrıpkashy A.Musaqojaevaǵa Dostyq ordenin tabys etti
ANA. 21 qańtar. QazAqparat /Gúlmıra Álıakparova/ - Qazaqstan Respýblıkasynyń halyq ártisi, Qazaq ulttyq óner ýnıversıtetiniń rektory, professor Aıman Musaqojaeva Reseı Federatsııasynyń Dostyq ordenimen marapattaldy. Marapatty saltanatty jaǵdaıda Reseıdiń Qazaqstandaǵy Elshisi Mıhaıl Bocharnıkov búgin, keshqurym «Shabyt» shyǵarmashylyq úıinde tabys etti.
Qazaqstandyq skrıpkashy, Reseı prezıdenti Dmıtrıı Medvedevtiń Reseı Federatsııasynyń memlekettik nagradalarymen shetel azamattaryn marapattaý týraly 2010 jyldyń 4 qazanyndaǵy jarlyǵyna sáıkes, Reseı Federatsııasymen mádenı baılanystardy damytýǵa, shet elderde orys mádenıetin tanytýǵa jáne saqtaýǵa qosqan zor úlesi úshin marapattaldy.
Ordendi tabys etken M.Bocharnıkov A.Musaqojaevanyń Qazaqstan men Reseıdiń óner salasyn damytýǵa qosyp júrgen súbeli úlesin, úlken eńbegin atap ótti: «Men Reseı Federatsııasy prezıdentiniń tapsyrmasyn úlken qurmetpen oryndaı otyryp, bul joǵary memlekettik nagradany Aıman Musaqojaevaǵa tabys etemin», - dedi.
Óz kezeginde skrıpkashy reseı basshylyǵyna alǵysyn bildirip: «Bul tek meniń ǵana emes, men arqyly barlyq qazaqstandyq ónerge berilgen nagrada dep bilemin», - dep atap ótti.
A.Musaqojaeva P.Chaıkovskıı atyndaǵy Máskeý memlekettik konservatorııasynda bilim aldy. Búginde onyń beldi professory. Sondaı-aq, P.Chaıkovskıı atyndaǵy baıqaýlardyń laýreattary halyqaralyq qaýymdastyqtyń múshesi, V.ıAmpolskıı, D.Oıstrah jáne Demıdovskıı atyndaǵy reseılik jáne halyqaralyq baıqaýlardyń qazylar alqasynyń turaqty múshesi. 1998 jyly Astanada ashylǵan Qazaq Ulttyq mýzyka akademııasynyń, 2010 jyldan bastap Qazaq ulttyq óner ýnıversıtetiniń búgingi kúnge deıingi rektory.
Aıta keteıik, skrıpkashylar arasynda Dostyq Ordeni buǵan deıin Vladımır Spıvakovqa berilgen bolatyn. Al Qazaqstannyń mádenıet qaıratkerleri arasynda bul nagradany teatr ártisi Vladımır Tolokonnıkov jáne Qazaqstan men Reseıdiń ataqty dırıjeri Fýat Mansurov ıe bolǵan edi.
Osy tarıhı mańyzdy oqıǵanyń qurmetine qazaq halqynyń ártisi A.Musaqojaeva jáne onyń jetekshiligindegi «Solıster akademııasy» (dırıjeri Abzal Muhıtdınov) orkestri kontsert berdi. Baǵdarlamada P.Chaıkovskııdiń «Tolǵaný», Astor Pıatsollanyń «Portenas» jyl mezgilderi shyǵarmalary oryndaldy.
