Reseıdiń qarjy naryǵy quldyrady

MÁSKEÝ. TASS-QazAqparat - Reseı Federatsııasynyń negizgi qarjy ındeksteri seısenbi kúni máskeýlik bırjanyń ashyq saýdasynda quldyrap ketti, dep habarlaıdy QazAqparat.Sonymen, Mosbırja ındeksi 10,4%- ǵa, 2436 pýnktke deıin, RTS ındeksi 16% -ǵa, 1056 pýnktke deıin (2019 jyldyń qysynan beri eń azy) tómendedi, dep habarlaıdy TASS.

Munaı baǵasynyń rekordtyq quldyraýy Venada ótken OPEK + elderiniń munaı óndirýdi qysqartý týraly sátsiz kelissózderinen keıin bastalyp, naryqtaǵy jaǵdaı kúrt tómendedi.

9 naýryzda Londondaǵy ICE bırjasynda saýda-sattyq kezinde Brent markaly munaıdyń jetkizilimi fıýchersi 30% -dan astamǵa arzandap, barreline 31,02 dollarǵa deıin tústi. Seısenbide munaı 8,3% -ǵa ósip, barreli 37,22 dollardy qurady.

Máskeýlik bırjanyń málimetine sáıkes, RF iri munaı-gaz kompanııalarynyń («Rosneft», «Lýkoıl», «Sýrgýtneftegaz», «Gazprom») qundy qaǵazdary 12-15%-ǵa, tutynýshylyq sektory («M.Vıdeo», «Magnıt», X5 Retail Group) 28%-ǵa deıin tómendegen. Sondaı-aq reseılik qarjy sektorynyń baǵa belgilenimi de túsip ketti. Sberbank shamamen 13%, VTB - 12% joǵaltty. Tehnologııalyq kompanııalardyń aktsııalary bırjalyq ındeksterden keıin quldyrady: ıAndeks - 7%, Rostelekom - 9%, «Sıstema» AFK - 12% tómendedi.

Energetıkalyq kompanııalardyń qaǵazdary máskeý ýaqyty boıynsha 10:40-ta Mosbırjada shamamen 10%-ǵa tústi: «Rossetı» 7,2%-ǵa, TGK-1 - 9,5%-ǵa tómendedi. Saýda-sattyqta «jasyl aımaqta» Polymetal (+7,1%), «Polıýsa» (+3,5%), «Fosagro» (+2,9%), «Severstalı» (+1,6%) qundy qaǵazdary júr.

Aıta keter bolsaq, dúısenbi, 9 naýryzda reseılik kompanııalardyń qundy qaǵazdary London jáne Nıý-Iork qor bırjalarynda quldyrady.