Reseıdiń Qara teńizdegi «Moskva» kreıseri sýǵa batyp ketti

MÁSKEÝ. TASS - QazAqparat - «Moskva» zymyran kreıserin turatyn ornyna súırep alyp bara jatqan kezde korpýsy zaqymdalýy saldarynan zymyran kemesi sýǵa batyp ketti. Bul týraly Reseı Qorǵanys mınıstrligi málimdedi, dep habarlaıdy QazAqparat TASS-qa silteme jasap.

Agenttiktiń habarlaýynsha kreıs korpýsy oq-dáriler jarylyp, órt shyqqannan zaqymdalǵan.

«Moskva» kreıserin turatyn ornyna tirkep súırep alyp bara jatqan kezde keme korpýsynyń zaqymdalýyna baılanysty ornyqtylyǵyn joǵaltqan. Teńizdegi daýyl saldarynan keme batyp ketti», - dedi Reseı áskerı vedomstvosy.

Kreıser ekıpajy Qara teńiz flotyndaǵy basqa kemelerge evakýatsııalandy.