Reseıdiń Halyq ártisi Sergeı Bezrýkov balasynan aıyryldy
ASTANA. QazAqparat - Reseıdiń halyq ártisi Sergeı Bezrýkovtyń ókil balasy Andreı Lıvanov Máskeýdegi páterinde qaıtys boldy, dep jazady rg.ru.
Ol Máskeý gýbernatorlyq teatrynyń ákimshisi bolyp qyzmet atqarǵan. Onyń jumysqa shyqpaǵanynan kúdiktengen teatr qyzmetkerleri úıine izdep barady. Esiktiń qońyraýyna, telefonǵa eshkim jaýap bermegen soń áriptesteri «Jedel járdem» men qutqarýshylardy shaqyrýǵa májbúr bolǵan. Qutqarýshylardyń aıtýynsha, óz páterinen tabylǵan onyń múrdesinde eshqandaı zorlyq-zombylyq belgisi joq. Kýágerlerdiń aıtýynsha, qaıtys bolarynan birneshe kún buryn ol ystyǵy kóterilip, aýyryp júrgen eken. Andreı - belgili reseılik akter Igor Lıvanovtyń uly. Anasy Irına birinshi kúıeýimen ajyrasqan soń Sergeı Bezrýkovqa turmysqa shyqqan edi.
