Reseıdiń ǵaryshtaǵy údetkish blogynda apat boldy

MÁSKEÝ. TASS –QazAqparat – Ǵaryshta Reseıdiń «Fregat» údetkish blogynyń janarmaı bagy qırap qalǵan. Bul týraly TASS agenttigi AQSh-tyń áskerı qarýly kúshterine silteme jasap habarlaıdy.

«Fregat» blogy 8 mamyr kúni basqa da bir obektiniń tııýi saldarynan buzylǵan.

Agenttiktiń habarlaýynsha, «Fregat» údetkish blogyn 1990 jyldary S. A. Lavochkın atyndaǵy ǵylymı-óndiristik birlestigi jasap shyǵarǵan.

Jalpy údetkish blog zymyran tasyǵyshtyń quramynda qosymsha ról atqarady. Olar ǵarysh apparattaryn jer mańyndaǵy orbıtalardyń keń spektrine, sondaı-aq planetaaralyq traektorııaǵa shyǵarýdy qamtamasyz etedi.