Reseıdiń Fınlıandııamen shekarasynyń tusynda avtobýs aýdaryldy, qaza tapqandar bar
ASTANA. QazAqparat - RF-nyń Lenıngrad oblysyna qarasty Vyborgskıı aýdanynda Peterbýrgten Fınlıandııaǵa bara jatqan týrısteri bar avtobýs aýdaryldy, dep habarlaıdy Bı-Bı-Sı agenttigi.
Bastapqy málimetter boıynsha, jol apatynan úsh adam qaza taýyp, 20 adam zardap shekken. Memlekettik jol qozǵalysynyń qaýipsizdik ınspektsııasy (MJQQI) apat joldyń taıǵaq bolýy saldarynan oryn aldy dep boljaýda.
Apat jergilikti ýaqytpen saǵat 08:55-de Fınlıandııa shekarasynan 16 shaqyrym qashyqtyqta «Skandınavııa» tasjolynda bolǵan, dep habarlaıdy Lenıngrad oblystyq úkimetiniń baspasóz qyzmeti.
Óńirlik MJQQI baspasóz qyzmeti avtobýsta 32 adamnyń bolǵandyǵyn jáne jaraqat alǵandardyń kóp ekendigin málimdedi. «Aldyn ala derekter boıynsha, jol-kólik apatynyń saldarynan úsh adam qaza taýyp, 20 adam zardap shekti», - dep habarlady MJQQI-de.
Yutong markaly avtobýs jol shetindegi jyraǵa túsip ketip, aýdarylǵan. Jer kóktaıǵaq boldy, dep naqtylady memlekettik jol ınspektsııasy.
Avtobýstaǵy adamdardyń deni Reseı azamattary ekendigi málim boldy.
