Reseıdiń eń tanymal drama teatrlarynyń biri elordada óner kórsetpek
NUR-SULTAN. QazAqparat - Evgenıı Vahtangov atyndaǵy teatr «Aýqymdy gastrolder» baǵdarlamasy aıasynda Nur-Sultan qalasyna gastrolmen keldi, dep habarlaıdy QazAqparat tilshisi.
Reseıdiń eń tanymal drama teatrlarynyń biriniń ártisteri elorda turǵyndary men qonaqtaryna A.S.Pýshkınniń «Evgenıı Onegın» romanynan kórinister men A.P.Chehovtyń «Dıadıa Vanıa» spektalin usynbaq.
Spektaklder «Astana Opera» memlekettik opera jáne balet teatrynda sahnalanbaq.
«Biz 2 jyl boıy QR Mádenıet jáne sport mınıstrligimen kelissózder júrgizdik. QR Mádenıet jáne sport mınıstri Máskeýge kelip, «Evgenıı Onegın» spektaklin kórgennen keıin isimiz alǵa jyljydy. 9 qańtarda osy keremet teatrda birinshi spektaklimizdi qoıdyq. Kelesi jyly bizge 100 jyl tolady. Osy jylǵy gastrolderimizdiń bári bizdiń teatrdyń 100 jyldyq mereıtoıyna arnalady. Bizge osy memleketke kelgen unaıdy jáne kelesi jyly da qýana kelemiz. Bizdiń jumys – spektakl kórsetip, gastrolge shyǵý», - deıdi Evgenıı Vahtangov atyndaǵy memlekettik akademııalyq teatrdyń dırektory Kırıll Krok elordada ótken baspasóz konferentsııasynda.
Reseıdiń eń tanymal drama teatrlarynyń biriniń ártisteri elorda turǵyndary men qonaqtaryna 8-9 qańtarda A.S.Pýshkınniń «Evgenıı Onegın» romanynan kórinister kórsetse, 10-11 qańtar kúnderi A.P.Chehovtyń «Dıadıa Vanıa» spektalin usynbaq.
Spektaklder «Astana Opera» memlekettik opera jáne balet teatrynda sahnalanbaq.
Bul rette Týrıstik qyzmetti qoldaý boıynsha Federaldy ortalyqtyń bas dırektorynyń orynbasary Vladımır Cherkasov atalǵan ortalyqtyń 2016 jyldan beri qazaqstandyq teatrlarmen yntymaqtasyp kele jatqandyǵyn atap ótti.
«Aýqymdy gastrolder» baǵdarlamasyn Federaldy ortalyq júzege asyrady.
«Biz sheteldik baǵdarlamany 2015 jyldan beri júzege asyra bastadyq. Іske asyrylǵan sátten bastap Qazaqstan bizdiń belsendi seriktesimiz boldy. Baǵdarlama jaqyn shetelderdegi orys tildi teatrlardy qoldaýǵa baǵyttalǵan. Qazaqstanmen yntymaqtastyq týraly aıtar bolsaq, bizdiń Qazaqstandaǵy alǵashqy seriktesimiz Almatydaǵy M.Lermontov atyndaǵy orys drama teatry boldy. Ótken jyldan bastap Nur-Sultan qalasy da baǵdarlamaǵa engeni qýantady», - dedi Vladımır Cherkasov.
