Reseıdiń eń qart turǵyny ómirden ozdy
NUR-SULTAN. QazAqparat - Reseıdiń eń uzaq jasaǵan qart turǵyny, Ingýshetııada tirshilik keship jatqan Appaz Ilıev 123 jasynda qaıtys boldy, dep málimdedi aımaq basshysy ıÝnýs-Bek Evkýrov.
«Appaz Lorosuly eki dáýirdi bastan keshti, 8 bala, 35 nemere jáne 20 shóbere ósirdi. Árqashanda jaıdary, ómirge qushtar jan bolatyn. Ózimen birneshe ret kezdeskenimde osyǵan kózim jetti», dep jazdy Evkýrov óziniń Instagram-daǵy paraqshasynda.
Óńir basshysynyń baspasóz qyzmetiniń málimetinshe, dúısenbide uzaq jasaýshy qarııa Ingýsh respýblıkalyq klınıkalyq aýrýhanasyna qatty aýyryp túsken.Sodan esin jııa almaǵan.
Ilıev 1896 jyly 1 naýryzda Ingýshetııanyń taýly Djeıra aýdanyndaǵy Gýlı eldi mekeninde dúnıege kelgen.
Buǵan deıin Ingýshetııa bıligi onyń ǵalamshardyń eń qart turǵyny atanýy úshin tıisti qujattardy daıyndaýmen aınalysatyndyqtaryn málim etken bolatyn.
