Reseıdiń eń aýqatty sheneýnigi Ýlan-Ýdede turady
Basylymnyń deregi boıynsha, óńirlik depýtat pen onyń jubaıynyń menshiginde 20 jer ýchaskesi, bes turǵyn úı - onyń ekeýi Taılandta ornalasqan, avtomobılder, qarda júretin kólik, keme jáne motorly qaıyq bar. 2016 jyly juptyń jalpy tabysy 2,8 mlrd rýbldi qurady (46 mln dollar), dep haarlaıdy Bı-Bı-Sı agenttigi.
Vadım Brednyıdyń jubaıy «Tıtan» kompanııasynyń atqarýshy dırektory qyzmetinde. Ýlan-Ýde depýtaty Forbes-tyń aldyńǵy reıtıngine ilikpegen.
Bul tizimde ekinshi orynda senator Valerıı Ponomarev tur, ol, Forbes-tyń deregi boıynsha, Kamchatkadaǵy iri ónerkásip kásiporyndarynyń biri sanalatyn «Okeanrybflot» balyq ónerkásibi kompanııasynyń ıegeri. Onyń ótken jylǵy otbasylyq tabysyn basylym 2,6 mlrd rýbl dep baǵalaıdy (43 mln dollar).
Reıtıngtegi úshinshi oryn - Tatarstan respýblıkasynyń basshysy Rýstam Mınnıhanovqa tıesili. Onyń otbasynyń tabysy 2016 jyly 2,3 mlrd rýbldi (38 mln dollar) quraıdy.
Foto: ALEKSEY SMYSHLIAEV/TASS