Reseıdiń Ekaterınbýrg qalasynda kóshedegilerge oq jaýdyrǵan er adam ustaldy
«Ekaterınbýrgte balany óltirýge árekettengen jáne quqyq qorǵaý organdarynyń qyzmetkerine qaýip tóndirgen kúdikti ustaldy. Bul fakti boıynsha Reseıdiń Sverdlov oblysyndaǵy Tergeý komıtetiniń tergeý organdary RF Qylmystyq kodeksiniń 3-baby 30-bóligi, 2-babynyń 105-bóligi jáne 317-baby («Jas balany óltirmek bolý; Quqyq qorǵaý organdarynyń qyzmetkerine qaýip tóndirý») boıynsha qylmystyq is qozǵady», – delingen Tergeý komıtetiniń baspasóz qyzmeti taratqan habarlamada.
Oblystaǵy ІІM baspasóz qyzmetiniń jetekshisi Valerıı Gorelyh operatsııanyń aıaqtalǵanyn aıtty.
«Ustalǵan kúdiktiden jaýap alynady», – dedi ol.
Er adamdy ustaý úshin jaryq jáne dybys granatasy qoldanyldy. Qylmysker qarsylasyp, arnaıy jasaqqa qaraı 10 ret oq atqan.
Barlyq oq brondy saýytqa tıdi. Jasaq ókilderinen eshkim zardap shekken joq. Kúdikti páterine shabýyl jasalyp, ol ustalyp polıtsııaǵa tapsyryldy.
Eske slaa ketsek, Reseıde jeksenbi kúni keshke burynǵy polıtsııa qyzmetkeri turǵyn úıdiń terezesinen kólikter men ótip bara jatqan adamdarǵa oq jaýdyrǵany týraly habarlandy. Reseı gvardııasynyń qyzmetkeri, sondaı-aq bir bala jaraqat aldy.
