Reseıdiń de, Qazaqstannyń da pasporty bar azamat elden shyǵaryldy
Іstiń mán-jaıynan belgili bolǵany, T. 2020 jyldyń tamyzynda QR azamattyǵyna ıe bolyp, Reseı Federatsııasynyń azamattyǵyn alǵan, biraq 30 kúntizbelik kún ishinde QR ishki ister organdaryna nemese sheteldegi mekemelerine shetel azamattyǵyn alý faktisi týraly habarlamaǵan jáne QR pasportyn jáne jeke kýáligin tapsyrmaǵan.
«Sotta T. kinásin moıyndap, zańnyń talaptaryn bilmeýine baılanysty buzýshylyqqa jol bergenin túsindirdi, óıtkeni Reseı Federatsııasynyń azamattyǵyn alý úshin ol QR azamattyǵynan bas tartý týraly ótinish jazǵan jáne ony jetkilikti dep sanaǵan. Bul faktini polıtsııanyń jelilik bóliminiń qyzmetkerleri 2023 jylǵy qańtarda Astana qalasynyń halyqaralyq áýejaıynda kóliktik baqylaýdan ótý kezinde anyqtady. «QR azamattyǵy týraly» Zańnyń 21-babyna sáıkes, eger adam basqa memlekettiń azamattyǵyn alsa, QR azamattyǵy joıylady», - dep jazdy Astana qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty.
ÁQBtK-niń 496-babynyń 2-bóligine sáıkes QR zańnamasynda belgilengen merzimde shetel azamattyǵyn alý faktisin habarlamaý 200 AEK mólsherinde aıyppul salýǵa ne QR sheginen ákimshilik shyǵaryp jiberýge ákep soǵady.
Sot qaýlysymen T. ákimshilik quqyq buzýshylyq jasaǵany úshin kináli dep tanyldy jáne oǵan QR sheginen ákimshilik shyǵaryp jiberý túrinde jaza qoldanyldy.
Sot sheshimi shyǵarylǵan kúnnen bastap zańdy kúshine endi.
