Reseıdiń Chelıabi oblysynda ushaq apatqa ushyrady: 8 adam qaza tapty
ASTANA. Jeltoqsannyń 14-i. QazAqparat - Reseıdiń Chelıabi oblysyndaǵy Korkıno qalasynyń mańynda jeksenbi kúni tańerteń ushaq apaty oryn aldy.
SM-92 tıpindegi shaǵyn ushaqtyń bortynda áýe kemesiniń komandıri jáne jeti parashıýtshi bolǵan, olardyń barlyǵy qaza tapty, dep habarlaıdy RBK agenttigi.
RF Tótenshe jaǵdaılar mınıstrliginiń Chelıabi oblysy boıynsha basqarmasynan habarlaǵandaı, ushaq jerglikti ýaqyt boıynsha saǵat 11.02-de, Kalachevo áýejaıynan kóterile bastaǵan kezde qulaǵan.
Jekemenshik ushaqtyń apatqa ushyraýy boıynsha qylmystyq is qozǵalyp otyr. Tergeýshilerdiń paıymdaýynsha, apatqa tehnıkanyń isten shyǵýy nemese ushqyshtyń qateligi sebep bolýy yqtımal. Biraq ta, shtýrvaldy buryn áskerı ushqysh bolǵan, tájirıbeli ushqyshtyń basqarǵany habarlanýda.
SM-92 ushaǵy - jeńil motorly ushaq, Smolensk avıaqurylys zaýytynda shyǵarylady. Ushaq 6-8 jolaýshyny nemese 600 keli júkti tasymaldaýǵa arnalǵan.
