Reseıdiń belgili qaıratkeri astanalyq jas pıanıster úshin tegin sheberlik dáristerin ótkizýde
ASTANA. QazAqparat - Elordada Reseıdiń eńbek sińirgen qaıratkeri Valerıı Pıasetskıı jas pıanıster úshin sheberlik dáristerin ótkizýde, dep habarlandy elorda ákimdiginiń resmı saıtynda.
Astanalyq balǵyndardyń sanasynda bolashaqqa degen senim, úmit pen arman jatyr. Olar Jánııa Áýbákirova, Tımýr Ýrmancheev syndy tanymal pıanıst bolýdy armandaıdy. Ondaı dárejege jetý úshin birneshe óner baspaldaǵynan ótý kerek. Ázirge jas jetkinshekter úshin «Astana Piano Passion» qanatqaqty baıqaý bolmaq.
«Menińshe, bıyl qazaqstandyq qatysýshylar byltyrǵydan da joǵary nátıje kórsetýi kerek. Daıyndyqqa áli 2 aı bar. «Astana Piano Passion»-nyń aýqymy keń, joǵary dárejede ótedi. Sondyqtan ony festıval deýge de keledi. Al, Matsýev baıqaý jeńimpazdaryn ózimen alyp júrip, dúnıe júzin sharlatady. Bul da jastar úshin úlken kómek», - Reseıdiń Eńbek sińirgen qaıratkeri Valerıı Pıasetskıı.
Pıanıst bolyp týý múmkin emes dep biletin professor Astanada sheberlik dárisin ótkizip, balalardy mamyr aıynda ótetin baıqaýǵa daıyndap jatyr.
«Men Qostanaı qalasynda týyldym. Astanada 4 jyldan beri turamyz. Bul baıqaý týraly byltyr bilgen ýaqyttan bastap daıyndalyp jatyrmyn», - Nurjan Tapalov .
Valerıı Pıasetskıı kúnine 8 balanyń ónerimen tanysyp, baǵyt-baǵdar berýde. Esterińizge salaıyq, 2013 jyly ótken pıanısterdiń alǵashqy baıqaýyna álemniń 20 elinen kelgen 130 pıanıst qatysqan edi.
Tegin júrgiziletin sheberlik dáristeri 24-28 aqpan aralyǵynda ótedi.
