Reseıdiń Barnaýyl qalasynda balalar qolarbalarynyń sherýi ótedi
ASTANA. Sáýirdiń 7-si. QazAqparat - Mamyrdyń 30-y, Balalardy qorǵaý kúni qarsańynda Reseıdiń Barnaýyl qalasynda bala qolarbalarynan turatyn kolonnalardyń naǵyz sherýi ótpek,
dep habarlaıdy ITAR-TASS agenttigi.
Sharany uıymdastyrýshylardyń aıtýynsha, eń bastysy, kishkentaı búldirshin otyrǵan árbir qolarba erekshe kórkemdik kompozıtsııaǵa aınalýy kerek. Ata-analar óz qoldarymen bala qolarbasyn mysaly, báteńkege, merekelik tortqa, jıdekke, asqabaqqa, tipti tankke aınaldyra alady. «Bezendirý jumystary úshin kez-kelgen materıaldy paıdalanýǵa bolady. Tipti, sábıdiń ózine kostıým tigýge de bolady. Ata-analardyń kreatıvteri aqshalaı syılyqtarmen atalyp ótedi», - deıdi uıymdastyrýshylar.
Qolarbalar sherýi jol ınspektorlarynyń qadaǵalaýymen Barnaýyldyń ortalyq dańǵylynda ótedi.
