Reseıdiń áýe-ǵarysh kúshteri Qazaqstanǵa UQShU bitimgerlik kontıngentin tasymaldap jatyr

MÁSKEÝ. QazAqparat – Ujymdyq qaýipsizdik týraly shart uıymynyń Bas hatshysy men osy uıymnyń Ujymdyq qaýipsizdik keńesiniń tóraǵasy, Armenııa Premer-Mınıstri Nıkol Pashınıan telefon arqyly sóılesti, dep habarlaıdy «QazAqparat» HAA menshikti tilshisi.

UQShU baspasóz hatshysy Vladımır Zaınetdınovtyń habarlaýynsha, 2022 jyldyń 6 qańtarynda UQShU Bas hatshysy Stanıslav Zas pen Ujymdyq qaýipsizdik keńesiniń tóraǵasy, Armenııa Premer-Mınıstri Nıkol Pashınıan telefon arqyly sóılesti.

S.Zas Qazaqstan Respýblıkasyndaǵy jaǵdaı týraly aıtyp, Ujymdyq qaýipsizdik keńesiniń eldegi jaǵdaıdy turaqtandyrý úshin elimizge UQShU-nyń ujymdyq bitimgerlik kúshterin jiberý týraly sheshiminiń qalaı oryndalyp jatqanyn jetkizdi.

Qazirgi tańda Reseıdiń áýe-ǵarysh kúshteriniń áskerı-kólik ushaqtarymen bitimgerlik kúshteri jetkizilip jatyr.

UQShU Ujymdyq bitimgershilik kúshteriniń basty mindeti mańyzdy memlekettik nysandardy qorǵaý, QR quqyq qorǵaý organdaryna jaǵdaıdy turaqtandyryp, zańnyń ústemdik etýin qamtamasyz etýge kómektesý.

Narynbek Ysmaǵulov