Reseıdiń Astrahan oblysynda eki qazaq tili kabıneti ashyldy
«Nıkıta Ysqaqov atyndaǵy Semıbýgoren orta mektebi» mýnıtsıpaldy qazynalyq jalpy bilim berý mekemesi qazaq tiline arnap jeke kabınet bóldi. Ol kabınette qazaqtyń ulttyq mádenıeti, óneri, ádebıeti, turmystyq buıymdarymen tanysýǵa bolady. Qor ókili Sábı Túıtebekov atalǵan kabınetke Qazaqstannan arnaıy ákelingen syılyq-«Qasterli qalam» kitabyn syılady. Kabınet Otandastar Qorynan teledıdar, vıdeokamera, noýtbýk tárizdi qundy syılyqtar jetkizilgennen soń ashylady. Mektep dırektory Rımma Ibragımova Qazaqstannan arnaıy kelgen qonaqty ystyq yqylaspen qarsy alyp, qandastarǵa qamqorlyǵy úshin Qor men Dúnıejúzi qazaqtary qaýymdastyǵyna alǵys aıtty», - delingen baspasóz baıanynda.
Osyndaı ekinshi kabınet Volodar aýdany Kalının aýylynda ashylady. Akademık Erejep Mámbetqazıev atyndaǵy Kalının orta mektebiniń dırektory Arman Nurlıevtyń aıtýynsha qazaq tili kabıneti Qor syılaǵan eń zamanaýı jabdyqtarmen jabdyqtalady.
Aıta keteıik, Astrahan oblysynda resmı derek boıynsha 160 myń etnıkalyq qazaqtyń basym bóligi aýyldyq jerlerde turady. Máselen, Kalının aýyly turǵyndarynyń 99,9 paıyzy qazaq. Olar ulttyq salt-dástúrdi saqtaý úshin barlyq múmkindikti paıdalanýda. Qordyń aýyl mektebinde qazaq tili kabınetin ashýy shet eldegi qandastarymyzdy tarıhı otanymen burynǵydan da jaqyndastyra túspek.
Eske salsaq, buǵan deıin Reseıdiń Túmen oblysynda qazaq synyby ashylǵandyǵy týraly habarlaǵan bolatynbyz.
