Reseıdiń áskerı avıatsııasy «Soıýzdy» qondyrý úshin Qazaqstanǵa keldi
ASTANA. QazAqparat - Reseıdiń áskerı avıatsııasy jáne tótenshe jaǵdaı qyzmetteri «Soıýz MS-06» ǵarysh kemesin qondyrý úshin Qazaqstanǵa keldi, dep habarlaıdy «QazAqparat» HAA tilshisi.
Halyqaralyq ekıpaj 28 aqpan kúni Jerge oralýy tıis.
Ekıpajdyń qonýyn qamtamasyz etýge on eki MI-8 tikushaǵy, úsh AN-26 ushaǵy jáne eki AN-12 qatysady. Bulardan tys, jeke quramnyń 200 qyzmetkeri, 16 avtotehnıka jumyldyrylǵan.
Reseılik ǵaryshker Aleksandr Mısýrkın, amerıkalyq ǵaryshkerler - Djozef Akaba men Mark Vande Haı mingen kapsýla 28 aqpan kúni jergilikti ýaqytpen 8:31-de Jezqazǵan qalasynyń mańyna qonýy tıis.
