Reseıdiń Altaı óńirinde narkologııalyq ortalyq órtenip, 8 adam qaza tapty
ASTANA. QazAqparat - Reseıdiń Altaı óńirinde narkologııalyq ortalyq órtenip, qaıǵyly jaıt saldarynan 8 adam qaza tapty. Taǵy altaýy túrli jaraqattar alǵan, dep habarlaıdy 24.kz.
Bul týraly jergilikti bılik ókilderi habarlap otyr. Tótenshe oqıǵa Kosıhınskıı aýdanyna qarasty Ozera Krasılovo aýylynyń mańynda oryn aldy. Qaıta qalpyna keltirý ortalyǵy tańerteńnen jana bastaǵan. Tez sharpyǵan jalynnan mekemeniń aýmaǵy 200 sharshy metr shatyry qulap, ǵımaratty basyp qalǵan.
Qazir órttiń shyǵý sebebi anyqtalyp jatyr. Arnaıy tekseris jumystary bastaldy. Qaza tapqan azamattardyń esimderi anyqtalýda. Qylmystyq is ashý máselesi de qarastyrylyp jatyr.
Ázirge narkologııalyq ortalyqtyń kommertsııalyq emes qaıyrymdylyq uıymǵa tıesili ekeni anyqtaldy.
