Reseıdiń «Aeroflot» áýe kompanııasy 38 reısti toqtatty
ASTANA. QazAqparat - Reseıdiń «Aeroflot» áýe kompanııasy aýa raıynyń qolaısyzdyǵyna baılanysty «Sheremetevo» áýejaıynan 26 jáne 27 qańtar kúnderi ushýy tıis 19 reıstti jáne keri baǵyttaǵy sonsha reısti toqtatty, dep habarlady áýe kompanııasynan.
26 qańtar kúni «Sheremetevodan» Irkýtsk, Krasnoıarsk jáne Novosibirge jáne odan keri qaraı ushatyn úsh reıs toqtatyldy.
27 qańtarda áýe tasysmaldaýshysy «Sheremetevodan» 16 reısti toqtatty, sonyń ishinde 9-y Rım, Frankfýrt, Drezden, Varshava, Rıga, Tıvat, Tallın, Almaty, Mınsk qalalaryna ushatyn halyqaralyq reıster. Іshki reısterge keletin bolsaq, áýe tasymaldaýshysy Samara, Nıjnekamsk, Nıjnevartovsk, Nıjnıı Novgorod, Kalınıngrad, Rostovqa ushatyn reısterdi toqtatty. Keri baǵytta ushýy tıis reıster de toqtatylǵan.
m24.ru aqparatynsha, áýe kompanııasy toqtatylǵan reısterdiń jolaýshylary kelesi reıstermen jetkiziletinin habarlady. Budan basqa, 27 qańtar kúni «Sheremetevodan» 10 reıstiń, sonyń ishinde Kopengagen, Vena, Praga, Stokgolmǵa ushatyn reısterdiń ushý ýaqyty ózgertildi.
