Reseıdiń 74 óńirinen shoshqa tumaýy anyqtaldy

MÁSKEÝ. TASS-QazAqparat – Reseıde shoshqa tumaýy anyqtalǵan óńirler sany 74-ke jetti. Bul týraly Reseı tutynýshylar quqyǵyn qorǵaýdy qadaǵalaý qyzmeti málim etti, dep habarlaıdy QazAqparat reseılik TASS agenttigine silteme jasap.

29 qarashada vedomstvo shoshqa tumaýy Reseıdiń 55 aımaǵynan anyqtalǵanyn habarlaǵan edi.

«Shoshqa tumaýy RF-nyń 74 aımaǵynan anyqtaldy», - delingen vedomstvo habarlamasynda.

Buǵan deıin vedomstvo tumaý jáne JRVI juqtyrýshylar kórsetkishi aldyńǵy aptamen salystyrǵanda sońǵy aptada 23,3%-ǵa óskenin habarlaǵan bolatyn. Reseıde 72,4 mıllıonnan astam adam, ıaǵnı el halqynyń 49,5%-y tumaýǵa qarsy ekpe saldyrǵan.

Foto: tass.ru