Reseıdiń 5 sportshysy Sochı olımpıadasyndaǵy medaldarynan aıyryldy
ASTANA. QazAqparat - Halyqaralyq olımpıadalyq komıtet (HOK) Reseıdiń taǵy bes sportshysyn 2014 jylǵy Sochı olımpıadasy oıyndarynda enshilegen medaldarynan aıyrdy.
Bul týraly TASS Halyqaralyq olımpıadalyq komıtettiń baspasóz qyzmetine silteme jasap habarlady.
Halyqaralyq olımpıadalyq komıtet bıatlonshylar - Olga Vılýhına men ıAna Romanovany, bobsleısshiler - Alekseııa Negodaılo men Dmıtrıı Trýnenkovty jáne skeletonıst Sergeııa Chýdınovty dopıngke qarsy erejeni buzdy dep tapty.
Bul sportshylardyń Sochı olımpıadasy oıyndaryndaǵy nátıjeleriniń kúshi joıyldy. Buǵan qosa olarǵa HOK aıasyndaǵy jarystarǵa qatysýǵa tyıym salyndy.
Eske sala ketsek, Vılýhına Sochıde eki kúmis, Romanova bir kúmis oljalaǵan edi. Al Negodaılo men Trýnenkov altyn ıelengen bolatyn.
