Reseıdiń «1-arnasy» KVN-nyń Astanadaǵy oıyndaryn kórsetedi
ASTANA. QazAqparat - Astanada ótken KVN-2017 Jazǵy kýbok oıyndary qyrkúıek aıynda Reseıdiń Birinshi arnasynan kórsetiledi. Bul týraly elordada ótken baspasóz máslıhatynda «Kazahı» komandasynyń músheleri málim etti, dep habarlaıdy QazAqparat.
Tilshiler komanda ókilderinen «oıyn kezindegi utymdy ázilder keıinnen efırden kesilmeı me?» degen saýal qoıdy.
«Reseılik telearnada bul máseleler zańnamalyq turǵyda bekitilgen, ıaǵnı tanys emes tildegi ázilder tıtrmen aýdarylyp beriledi. Osy oraıda bizdiń qazaqsha aıtqan ázilderimiz kesilmeıdi, reseılik kórermen túsinýi úshin ázildiń mazmuny tıtrmen jetkiziledi»,-dedi Málik Hasenov.
Sonymen qatar 1 shildede Astanada ótken Jazǵy kýbok oıyny reseılik Birinshi arnadan qyrkúıekte kórsetiletini habarlandy.
«Basty oıynǵa deıin redaktsııalaýdyń alty kezeńinen ótemiz. ıAǵnı bizdiń oıynymyzdy tájirıbeli KVN ókilderi qarap shyǵady. Árbir sóz tarazydan ótedi. Sondyqtan osy synnan ótkizilgen sózdiń barlyǵy efırge qalady»,-dep túsindirdi M. Hasenov.
Buǵan deıin habarlanǵandaı, keseılik KVN juldyzy ári telejúrgizýshi Sangadjı Tarbaev bıylǵy maýsym aıynda «Kazahı» komandasynyń janynda bolyp, KVN-nyń Jazǵy kýbok oıyndaryna daıyndalýǵa kómektesti.
Esterińizge sala keteıik, bıyl 1 shildede Astanada alǵash ret KVN oıyndarynyń Jazǵy kýbogy ótti. Úzdik kóńildi ári tapqyr komandalar elordada bas qosty - «Azııa MIX», reseılik Kamyzıak aımaǵynyń quramasy, «Gorod Pıatıgorsk» jáne «Kazahı». Qazylar alqasynyń quramyna Mıhaıl Galýstıan, Valdıs Pelsh, Sergeı Svetlakov, Ekaterına Strıjenova, ıÝlıı Gýsman, Semen Slepakov, sondaı-aq alǵash ret Baıǵalı Serkebaev endi. Júrgizýshi Aleksandr Vasılevıch Maslıakov boldy. Astananyń nyshany «Báıterek» túrindegi bas júlde - Kýbok jeti jyl ótken soń sahnaǵa tolyq quramda óner kórsetken «Kazahı» komandasynyń oıynshylaryna buıyrdy. Aıta keteıik, Kóńildiler jáne tapqyrlar klýbynyń oıyndaryna 15 jyl boıy qatysqan qazaqstandyq komanda alǵash ret júldege qol jetkizip otyr.
