Reseıden joǵary bilikti mamandar aǵylsa, Qazaqstan budan tek utady – Májilis spıkeri

NUR-SULTAN. QazAqparat - QR Parlamenti Májilisiniń tóraǵasy Erlan Qoshanov reseılikterdiń Qazaqstannyń eńbek naryǵynan oryn tabýy týraly pikirin aıtty, dep habarlaıdy QazAqparat tilshisi.

«Bul ahýaldyń jaǵymdy qyry da bar. Eger bizge joǵary bilikti mamandar kelip, óz ornyn taýyp jatsa, bıznes ashyp, jumys oryndaryn qursa, salyq tólep tursa, Qazaqstan budan tek utady.

Árıne, báseke artady. Bizdiń bıznes básekege úırenýi kerek. Báseke bolǵan jerde odan halyq utady. Taýardyń, qyzmettiń sapasy artady degen sóz», - degen Májilis tóraǵasy ázirge Reseıden bıznes alpaýyttary kelip jatpaǵanyn atap ótti.

«Men inDriver kompanııasynyń ǵana Máskeýdegi keńsesi bizge ótkenin bilemin. Meniń bilýimshe inDriver-diń 600 qalada ókildigi bar. Olardyń kelýinen bizge jaman boldy ma, álde jaqsy boldy ma?», - dedi Májilis tóraǵasy.

Sondaı-aq, ol Tuńǵysh Prezıdent týraly Zań qashan kúshin joıatynyn aıtty.