Reseıden jetkizilgen 72-shi gvardııalyq dıvızııanyń Jaýyngerlik Týy Astana murajaıyna tapsyryldy
ASTANA. 15 qarasha. QazAqparat - Stalıngrad túbindegi shaıqastarda Aqmola oblysynan shaqyrylǵan 72-shi gvardııalyq dıvızııanyń erlikpen soǵysqan jaýyngerleriniń Týy Astana qalasyna jetkizildi. «Atalǵan oqıǵa áskerı saltanattyń barlyq tártipteri boıynsha ótti. Úrmeli aspaptar marshy, sap túzegen qurmetti qaraýyl - barlyǵynan saltanatty áser sezildi»,-delingen elordanyń resmı saıtynda.
«Ókinishke oraı, bul týdyń túpnusqasy tirkelgen, tarıhı qujat bolyp tabylady. Sondyqtan olar bizge týdyń kóshirmesin berdi. Biz arnaıy delegatsııa uıymdastyryp, olar Volgogradqa baryp, biraz jumys júrgizýdiń arqasynda osy jaýyngerlik qyzyl týdy alyp keldik», -dedi «Nur Otan» HDP Astana qalalyq fılıaly Tóraǵasynyń birinshi orynbasary Qaırat Jańabergenov.
Dıvızııa 1941 jyly Aqmola qalasynda jasaqtalǵan. Onyń jaýyngerleri Stalıngrad túbindegi urystarda óshpes erlik kórsetken. Ótken jyly dıvızııa týyn «Іzdeý» tobynyń músheleri tapty. Astanaǵa alyp kelgenshe ol batyr qala Volgogradtyń «Mamaev qorǵany» murajaıynda saqtaldy.
Aktsııany uıymdastyrýshylar osy oqıǵany - jastardyń boıynda otansúıgishtik sezimin qalyptastyrý jolyndaǵy taǵy bir qadam dep sanaıdy. Sondyqtan olar úshin onyń óshpes tarıh bolyp qalary sózsiz.
Endi 72-shi gvardııalyq dıvızııanyń Jaýyngerlik Týy Astananyń Áskerı Dańq murajaıyna tapsyryldy. Onda ol máńgilik saqtalatyn bolady.
