Reseıden ushyp shyqqan tájikstandyq Boeing shuǵyl túrde qondy
ASTANA. QazAqparat - Máskeýden Tájikstannyń Hýdjand qalasyna ushyp shyqqan Boeing 737-300 áýede birneshe aınalym jasaǵannan keıin áýejaıǵa qaıta qonýǵa májbúr bolǵan. Bul týraly Flightradar24.com portaly habarlaýda.
Buǵan deıin shuǵyl qyzmetterdegi derekkóz TASS agenttigine málim etkendeı, shuǵyl qoný týraly sheshim borttaǵy tehnıkalyq aqaýlarǵa baılanysty qabyldanǵan.
«Áýe kemesiniń komandıri Domodedovo áýejaıynan ushyp shyqqannan keıin shuǵyl qoný týraly sheshim qabyldady», - dedi agenttik derekkózi.
Domodedovo áýejaıynyń saıtyndaǵy onlaın tabloǵa sáıkes, Tajik Air áýe kompanııasynyń Boeing 737-300 ushaǵy Máskeý ýaqytymen 01:03-te ushqan. Portaldyń derekterine qaraǵanda, ushaq Rıazan oblysynyń aýmaǵynan qaıtyp, Máskeý oblysynyń ońtústik-shyǵysynda sharq uryp aınalǵan.
Tajik Air ókilderi bul týraly ázirge málimdeme jasaǵan joq.
