Reseıden urlanǵan kólik Saıram aýdanynan tabyldy
ShYMKENT. QazAqparat - 8 sáýird kúni OQO-nyń Saıram aýdandyq ІІB-niń kezekshi bólimine, aýdandaǵy saýda núkteleriniń birine belgisiz adamnyń avtokólik qosalqy bólshekterin ótkizgeni týraly habarlama tústi.
Oqıǵa ornyna jedel jetken oblystyq ІІD Jergilikti polıtsııa qyzmeti ókilderinen quralǵan jedel-izdestirý toby, 1979 jyly týylǵan jergilikti turǵyndy kúdikti retinde ustady.
Tekserý jumystary kezinde, tártip saqshylary kúdiktiniń úıiniń aýlasynan qujattary jáne memlekettik nómiri joq, bólshektelgen markasy «KIA RIO» avtokóligin anyqtady.
Avtokóliktiń sáıkestendirý nómirin QR ІІM-niń málimetter qorynan teksergende anyqtalǵany, 2015 jyly Reseı Federatsııasynyń Samara oblysynan urlanyp, sodan beri halyqaralyq izdeýdi júrgen avtokólik bolyp shyqty, dep habarlaıdy OQO ІІD baspasóz qyzmeti.
Avtokólik aqyly aıypturyqqa jetıkizildi. Atalǵan jaıt boıynsha QR QK-niń «Alaıaqtyq» deregimen qylmystyq is qozǵaldy. Kúdikti eshqaıda ketpeý týraly qolhat berildi. Qazirgi tańda kúdiktiniń osyǵan uqsas basqa da qylmystarǵa qatystylyǵy anyqtalýda. Sotqa deıingi tergeý amaldary júrgizilýde.
