Reseıden Qyrǵyzstanǵa tabyttar tegin jetkiziledi
ASTANA. QazAqparat - Reseıden Qyrǵyzstanǵa tabyttar (júk-200) tegin jetkiziledi. Bul týraly Qyrǵyzstan parlamenti qabyldaǵan qaýlyda kórsetilgen.
Qujatta shetelde eńbek etetin mıgranttardyń quqyqtaryn qorǵaý boıynsha birqatar norma qarastyrylyp otyr. Bul týraly KırTAG beısenbi kúni Jogorký Keneshiniń baspasóz qyzmetine silteme jasap habarlady.
Qujatqa sáıkes, úkimetke ishki jáne syrtqy mıgratsııa boıynsha memlekettik organnyń ókilettiligi men dárejesin kóterý, óńirlik qurylymdar qurylmaq. Sonymen qatar Máskeýde jáne Reseıdiń ózge qalalarynda memlekettik kóshi-qon qyzmeti ókildiginiń ashylýy boıynsha jumysty jedeldetý usynyldy. Budan bólek, Máskeýdegi Qyrǵyzstannyń ІІM ókildiliginiń materıaldyq-tehnıkalyq bazasy nyǵaıady jáne shtattyq sany artady.
Memlekettik kóshi-qon qyzmetiniń aqparatynsha, 2015 jyly Qyrǵyzstanǵa shetelden - 314, al 2016 jyldyń 7 aıynda 171 adamnyń máıiti jetkizildi.
