Reseıden kóshken qara shegirtkeler jolyndaǵylardy jalmap keledi
ASTANA 16 shilde. QazAqparat - Aǵymdaǵy jyly «Respýblıkasyq fıtosanıtarlyq dıagnostıka jáne boljamdar ádistemelik ortalyǵy» MM málimetteri boıynsha shegirtke tektes zııankesterdiń taralýy 1 977,36 myń gektarǵa ıaǵnı onyń ıtalıandyq prýs túri - 1 615,14 myń gektar, azıalyq shegirtke - 224,26 myń gektar jáne marokko shegirtkesi - 137,96 gektarǵa boljanǵan.
QR Aýyl sharýashylyǵy mınıstrliginiń habarlaýynsha, búgingi kúni shegirtkeniń úıirli túrlerine qarsy hımııalyq óńdeýler tolyq aıaqtalǵan. Aǵymdaǵy jyldyń aýa-raıyna, sondaı-aq Reseı Federatsııasynyń shekaralas aýmaqtarynan ıtalıandyq prýstyń Aqtóbe, Batys Qazaqstan jáne Qostanaı oblystaryna ushyp-qonýyna baılanysty atalǵan oblystarda boljamdalǵan óńdeý alańdary ulǵaıtylǵan.
Nátıjesinde 2012 jyly ıtalıandyq prýsqa qarsy hımııalyq óńdeýler 1 883,394 myń gektarda júrgizildi. Bul josparlanǵan óńdeýlerdiń kóleminen 258,254 myń gektarǵa artyq (Batys Qazaqstan oblysy - 110,0 myń gektar, Aqtóbe oblysy - 38,0 myń gektar, Qostanaı oblysy - 110,254 gekktar). Osyǵan baılanysty QR Aýyl sharýashylyǵy mınıstrligimen osy oblystarǵa óńdeýlerdi júrgizý úshin qosymsha pestıtsıdter bólindi. Sondaı-aq Reseımen shekaralas aýmaqtar tolyǵymen óńdeldi.
Aqtóbe oblysynyń Yrǵyz aýdanynda, RF-nyń shekarasyna deıin 700 shaqyrym, oǵan qosa Batys Qazaqstan oblysynyń Jańaqala aýdanynda, Reseı Federatsııasynyń Orynbor oblysynyń shekarasyna deıin 550 shaqyrym, azııalyq shegirtkeniń taralýy oryn aldy. Atalǵan aýdandarda hımııalyq óńdeýler tolyǵymen aıaqtalǵan. Joǵaryda baıandalǵan faktilerdi eskerip, azııalyq shegirtkeniń Qazaqstan aýmaǵynan Reseıge ushyp-qonýy múmkin emes.
«Sonymen qatar, Qazaqstannyń shekaralas aýmaqtarynyń málimetterine sáıkes Reseı tarapynan hımııalyq óńdeýler jetkiliksiz kólemde jáne óte baıaý júrgizilýde. Sonyń saldarynan shegirtkelerdiń kópshiligi qanattanǵan kúıde jáne olardyń Qazaqstan aýmaǵyna jappaı ushyp-qoný faktileri oryn alýda. Osyǵan baılanysty QR Aýyl sharýashylyǵy mınıstrligi Reseıdiń Aýyl sharýashylyǵy mınıstrligine shekaralas aýmaqtardy óńdeý úshin shuǵyl sharalardy qabyldaý qajettigi týraly habarlama hat joldaǵan bolatyn»,- delingen vedomstvo aqparatynda.
