Reseıden kelgen tsıklon saldarynan SQO-da kún sýytyp, qar aralas jańbyr jaýady
PETROPAVL. QazAqparat – Soltústik Qazaqstan oblysynda daýyldy eskertý jarııalanyp, túnde aýa temperatýrasy -6 gradýsqa deıin sýytatyny jaıynda sms-habarlama taratyldy, dep habarlaıdy QazAqparat tilshisi.
SQO tótenshe jaǵdaılar departamenti taratqan málimet boıynsha búgin 7 mamyrǵa qaraǵan túni SQO aýmaǵynda qar aralas jańbyr jaýyp, kóktaıǵaq bolady.
6-8 mamyr aralyǵynda túnde synap baǵanasy +10 gradýstan -6 gradýsqa deıin tómendemek.
Aýa raıyna qatysty «Qazgıdromet» RMK oblystyq fılıaly túsinik berdi. Mamandardyń aıtýynsha, kún raıynyń buzylýyna Reseıden kele jatqan tsıklon sebep.
«Reseıdiń eýropalyq bóliginen kele jatqan soltústik-batys tsıklonynyń áserinen óńirde qolaısyz aýa raıy qalyptasady. Aýa temperatýrasy kúndiz jáne túngi ýaqytta da turaqsyz bolyp, kúrt kún sýytýy múmkin. Jaýyn-shashyn men sýyq aýa raıy qaýipti qubylystardy týdyrýy múmkin. Bul jaıynda turǵyndarǵa eskerttik», - deıdi sınoptıkter.
Búgin Petrpavlda daýyldatyp tur. Mamandardyń aıtýynsha, ońtústik-shyǵystan soqqan jeldiń ekpini sekýndyna 12 metrge deıin jetse, keı jerlerde 25 m/s jetken.
Oblys aýmaǵynda jeldiń ekpini sekýndyna 6 metrden 16 metrge deıin, keı jerlerde 26 metrge deıin jetti.
