Reseıden kelgen 102 stýdent Almaty oblysynda karantınge jatqyzyldy
TALDYQORǴAN. QazAqparat - Búgin Reseıdiń túrli joǵary oqý oryndarynda oqıtyn jetisýlyq 102 stýdent elge oraldy. Olar Tomsk qalasy arqyly ushaqpen Almaty áýejaıyna jetti, dep habarlaıdy QazAqparat tilshisi.
Almaty oblysy ákiminiń baspasóz qyzmetinen málim etkendeı, elge oralǵan stýdentter 2 avtobýspen Qapshaǵaı mańyndaǵy demalys ornyna jetkizilip, ornalastyryldy. Olar eki kún karantınde bolady. Stýdentterge demalys orny aýmaǵynan syrtqa shyǵýǵa ruqsat joq.
«Olar birinshi kezektegi qajettiliktermen tolyq qamtamasyz etiledi. Bul jerde karantın talaptary men sanıtarlyq-dezınfektsııalyq sharalardyń qatań saqtalýyn tıisti sala mamandary baqylaıtyn bolady. Demalys ornyna kireberiste polıtsııa posty ornatylǵan. Stýdentterdiń barlyǵy KVI-ge test tapsyrdy. Qorytyndysy shyqqannan keıin oblys ákimdigi olardy turǵylyqty jerlerine jetkizýdi uıymdastyrady»,- delingen vedomstvo habarlamasynda.
