Reseıden keletin sıyr etterinen shoshqanyń DNQ-sy tabyldy
ASTANA. QazAqparat - Qazaqstan Respýblıkasy Tutynýshylardyń quqyqtaryn qorǵaý agenttigi Keden odaǵy tehnıkalyq reglamentiniń talaptaryna sáıkes kelmeıtin «Orelprodýkt» JAQ óndirisi (Reseı Federatsııasy), «Pashtet nejnyı ız govıajeı pechenı «Mıasnoı dvor» et konservisin Qazaqstan Respýblıkasynyń tutynýshylyq narqyna ótkizýge tyıym saldy.
Et ónimderiniń jalǵandyǵyn anyqtaý maqsatynda janýarlardyń tinderin túrlik sáıkestendirý ádisimen júrgizilgen sanıtarııalyq-epıdemıologııalyq saraptama kezinde joǵaryda atalǵan ónimde shoshqanyń DNQ anyqtaldy.
Sondaı-aq atalǵan agenttik sanıtarııalyq-epıdemıologııalyq saraptama nátıjeleri boıynsha quramynan adamnyń densaýlyǵy úshin qaýipti veterınarııalyq preparat- trenbolon atsetat anyqtalǵan, saýda ataýy «Rıbaı Chernogo Angýsa» (Avstralııa óndirisi) salqyndatylǵan sıyr etin ótkizýge tyıym salý boıynsha ýaqytsha sanıtarııalyq shara engizdi. Bul preparat veterınarııada iri qara maldyń bulshyq etin kóbeıtý úshin qoldanylatyn jáne adam densaýlyǵyna kóptegen janama áserleri bar (qan qysymynyń joǵarylýy, uıqysyzdyq, agressııalyq, shash túsý jáne basqa da kóptegen) ósý stımýlıatory - anabolıkalyq steroıd bolyp tabylady. Keden odaǵyna múshe memleketterdiń zańnamasyna sáıkes janýardan jasalatyn azyq-túlik shıkizatyn daıyndaý kezinde veterınarııalyq preparattardy (jemdik qospalar, janýarlardy ósirý stımýlıatoryn, veterınarııalyq dárilik zattardy) paıdalanýǵa ruqsat etilmedi.
