Reseıden keletin qus etterinen shoshqa DNQ-sy tabyldy
PETROPAVL. QazAqparat - Qoǵamdyq densaýlyq saqtaý departamenti mıkrobıologııalyq kórsetkishter boıynsha densaýlyqqa zııan keltiretin azyq-túlik ónimderin anyqtady, dep habarlaıdy «QazAqparat» tilshisi.
Vedomstvo baspasóz qyzmetiniń aqparatyna súıensek, Reseıden kelgen «Chebarkýlskaıa ptıtsa» broıler-balapany óniminen jáne AQSh-tan keletin taýyq sanynan salmonella tabylǵan. Bul taban astynda jasalǵan tekseris nátıjesinde anyqtalyp otyr. Atalǵan ónimder tolyqtaı joıyldy. Salmonella Reseıden «MPK» ataýymen keletin taýyq etinen de tabyldy. Sonymen qatar «CAPITAL PROJECTS LTD» JShS óndiretin «Kýrochka rıaba» boılerinen de tabylǵan.
«Ónimdi burmalaý faktileri tirkelip otyr. Sút ónimderinen alynǵan 100 synamanyń 6 paıyzy talapqa sáıkes kelmegen. Bul Lactalis International jáne «President» maıy jáne «Shadrınskoe» sútine qatysty. Reseıden keletin qus etterinen alynǵan 100 synamanyń úsheýinen markırovkada eskertilmegen shoshqa DNQ-sy (Dezoksırıbonýkleın qyshqyly) tabylǵan», - deıdi tehnıkalyq reglamentterdi qadaǵalaý bóliminiń basshysy Samat Qazanbaev.
Foto: permgp3.ru
