Reseıden keletin et ónimderinen antıbıotıkter anyqtaldy
QR DSM Qoǵamdyq densaýlyq saqtaý komıtetiniń tóraǵasy - Bas memlekettik sanıtarııalyq dáriger Jandarbek Bekshınniń aıtýynsha, 2019 jyldyń І toqsanynda komıtet et ónimderiniń 268 túrin zerttegen.
«Et ónimderiniń 40 túrinde túri boıynsha spetsıfıkalyq DNK fragmentteri anyqtaldy. Ónimniń qaptamasynda onyń bary týraly habarlanbaǵan. Eń birinshi kezekte, atalmysh fragmentter úıdegi mal men qus ónimderinen tabylyp otyr. Sonymen birge, kremdi-kondıterlik ónimderdiń quramyndaǵy belsendi bıologııalyq qospalarǵa nazar aýdaryp otyrmyz. Jemis-jıdekterdiń bári baqylaýda. Et ónimderi degenimiz - shujyq jáne álbette, shıki mal eti. Osy rette mal etinen alty túrli antıbıotıktiń baryn anyqtadyq», - dedi Jandarbek Bekshın OKQ-da ótken baspasóz máslıhatynda.
«Antıbıotıkterdiń qaldyq mólsherin anyqtaý boıynsha quramyn baqylaý maqsatynda et konservileriniń, qus sharýashylyǵy óniminiń, sút óniminiń 800 synamasy zertteldi. Olardyń ishinde 6 ónim synamasynda tetratsıklın, levometsıtın, batsıtratsın anyqtaldy. Bul - RF kelesi óndirýshileriniń ónimderi: «FınInvest», «Ptıtsefabrıka Sredneýralskaıa», «Ýralskaıa mıasnaıa kompanııa», Agrofırma «Borovskaıa», «Zdorovaıa Ferma Delıkatesy»», - deıdi Bekshın.
Aıta ketsek, buǵan deıin Jandarbek Bekshın taýar qaýipsizdigin qamtamasyz etý boıynsha 2019 jyldyń 1 toqsanynda júrgizilgen jumys qorytyndysyn jarııalaǵan bolatyn.