Reseıden kele jatqan júk poıyzynyń tsısternasynan hımııalyq zattyń tógilý faktisi tirkeldi - Qyzylorda oblysy
ASTANA. Aqpannyń 24-i. QazAqparat - Qyzylorda oblysynyń Aralqum stansysynda, Reseı Federatsııasynan kele jatqan júk poıyzynyń tsısternasynan flotoreagentoksal de atalatyn hımııalyq zattyń tógilgeni anyqtaldy,
dep habarlaıdy Qazaqstannyń Tótenshe jaǵdaılar mınıstrligi.
Qutqarýshylardyń málimetteri boıynsha, Reseıdiń Hımıcheskaıa stansysynda tıelgen hımııalyq zat Ózbekstannyń Ahangaran stansysyna, Almalyq ken-metallýrgııalyq kombınatyna áketilip bara jatqan. Kúzetke alynǵan tsısterna qazir Qazaly temirjolstansysynyń tuıyqjolynda, arnaıy alańda tur. Suıyqtyń tógilý sebebi anyqtalýda, tóńirektegilerge eshqandaı qaýip joq.
Flotoreagentokasal hımııalyq zatynyń túrleri syr-boıaý ónerkásibinde, rezeńke buıymdar men úldir materıaldary úshin plasıfıkatorlar daıyndaýda, sýly negizdegi burǵylaý eritkishteriniń qurylymdyq-mehanıkalyq jáne súlgishtik qasıetterin retteý úshin munaı uńǵylaryn burǵylaý kezinde munaı ónerkásibinde paıdalanylady.
