Reseıden Qazaqstannyń soltústigi men shyǵysyna gaz tartý kelissózi bastaldy

NUR-SULTAN. QazAqparat – QR Energetıka mınıstri Maǵzum Myrzaǵalıev Reseımen Qazaqstannyń soltústik jáne shyǵys óńirlerin gazdandyrýǵa qatysty kelisózder jaıynda aıtty, dep habarlaıdy QazAqparat tilshisi.

«Nátıje bar. Biz tehnıkalyq parametrlerine, kommertsııalyq parametrlerine qatysty naqty kelissózder bastaýdy ýaǵdalastyq. ıAǵnı, gaz quny, qubyr tartý negizdemesin ázirleý úshin qajetti gaz tutynýdyń eń tómengi kólemi týraly máseleler qozǵalady. Ótken aptada ǵana «Gazprom-eksport» basshylyǵymen kezdesip, bul máselelerdi talqyladyq» - dedi mınıstr Senattyń jalpy otyrysynan keıin BAQ ókilderiniń saýalyna oraı.

Buǵan deıin Maǵzum Myrzaǵalıev elimizde oryn alǵan dızel tapshylyǵynyń basty sebebin jáne naryqty turaqtandyrý úshin kórshi elden 146 myń tonna dızel otyny eksporttalǵanyn ataǵanyn habarlaǵan edik.