Reseıden Qazaqstanǵa tankini zańsyz áketpekshi bolǵan
ASTANA. QazAqparat - Chelıabi keden qyzmetkerleri shekaradan T-34-85 tankisin ustady.
1945 jyly shyǵarylǵan T-34-85 tankisin Reseıden Qazaqstanǵa zańsyz áketpekshi bolǵan. Bul jaıly Chelıabi oblysy FQQ basqarmasy habarlady. Mashınany "Qartaly" shekara pýnktindegi temir jol quramy platformasynan tapqan.
«Reseı aýmaǵyna tranzıtpen ákelingen tankini reseılik-qazaqstandyq shekarada temir jol quramyn tekserý kezinde shekara narıady tapqan», - delingen FQQ Chelıabi oblysy boıynsha basqramasynyń habarlamasynda.
Mashınanyń qarýy isten shyǵarylǵan. Sarapshylardyń baǵalaýynsha, tankiniń naryqtyq quny 2 mln rýblge jýyq.
Mádenı qundylyqty urlaýǵa áreket jasaý faktisi boıynsha qylmystyq is qozǵaldy, dep habarlady FQQ. Alaıda tankiniń ıesi anyqtalmaı otyr.
