Reseıden Qazaqstanǵa munaı ónimderin zańsyz tasymaldaǵan Qostanaı turǵyny sottaldy
QOSTANAI. QazAqparat - Qostanaı turǵyny Reseıden munaı bıtýmyn zańsyz jolmen ıemdenip, Qazaqstanǵa ákelip satpaq bolǵan, dep habarlaıdy QazAqparat tilshisi Qostanaı oblystyq sotynyń baspasóz qyzmetine silteme jasap.
«2018 jyldyń qazan aıynda azamat Ts. Reseı Federatsııasynda 59 520 kg munaı bıtýmyn, onyń zańdy ekenin rastaıtyn qujattarsyz satyp alyp, satý úshin Qazaqstan aýmaǵyna tasymaldaǵan. Qamysty aýdandyq sotynyń úkimimen er adam QR Qylmystyq kodeksiniń 197-babynyń 3-bóliginde kórsetilgen qylmystyq quqyq buzýshylyqty jasady dep tanylyp, 1 jyl merzimge bas bostandyǵyn shekteý jazasyna kesildi», - delingen habarlamada.
Tárkilengen bıtým memleket enshisine berildi, al osy munaı ónimi tasymaldanǵan kólik qylmys quraly retinde memlekettiń ıeligine ótkizildi.
Avtory: Janna Musabaeva
