Reseıden Qazaqstanǵa qus etin ımporttaýǵa shekteý engizildi
ASTANA. QazAqparat - Reseıdiń birqatar óńirlerinen Qazaqstanǵa qus eti pen jumyrtqa tasymaldaýǵa shekteý engizildi. Bul týraly QR Aýyl sharýashylyǵy mınıstrligi baspasóz qyzmetinen málim boldy, dep habarlaıdy QazAqparat.
Atap aıtqanda, QR AShM Veterınarııalyq baqylaý jáne qadaǵalaý komıteti Reseıdiń Orel, Rostov jáne Nıjegorod oblystarynda joǵary patogendi qus tumaýy vırýsynyń jańa aýrýynyń tirkelýine baılanysty osyndaı sheshim jasady.
«Qazaqstannyń aýmaǵyna tiri qusty, ınkýbatsııalyq jumyrtqany, qaýyrsyn men mamyqty, qus eti men qus ónimderiniń barlyq túrlerin, sondaı-aq termııalyq óńdeýden ótpegen (keminde 70°C), qustarǵa arnalǵan azyq qospalary, taksıdermııalyq óńdeýden ótpegen ań aýlaý oljalaryn (qanatty qus) ımporttaýǵa ýaqytsha shekteýler qoıyldy», - delingen mınıstrlik málimetinde.
Munymen qosa, Reseı Federatsııasynyń atalǵan aımaqtarynan qustardy soıýda jáne bólshekteýde qoldanysta bolǵan qural-jabdyqtardy paıdalanýǵa da tıisti shekteýler engizildi.
