Reseıden Qazaqstanǵa gaz tartý kelissózi bastaldy
ASTANA. KAZINFORM – Energetıka mınıstri Almasadam Sátqalıev Úkimet otyrysynda eldiń ortalyq, soltústik jáne shyǵys óńirlerin gazdandyrý baǵytyndaǵy josparyn aıtty.
«Reseı Federatsııasynan gazdandyrý boıynsha aıtsaq, qazirgi tańda «QazaqGaz» jáne «Gazprom» kompanııalary Reseı Federatsııasyna tıesili gaz qubyrynyń múmkindigin pysyqtap jatyr. Búgingi tańda, soltústik-shyǵys óńirlerdi gazdandyrýdyń keleshegi men qubyr salý sharttaryn talqylaý baǵytynda kelissózder bastaldy», - de ol.
Mınıstr, sondaı-aq, ortalyq óńirlerdi gazdandyrý eki úlken magıstral arqyly jalǵasatynyn aıtty.
«Ortalyq óńirlerdiń ósip kele jatqan qajettiligin eskere otyryp, «Saryarqa» gaz qubyrynyń aldyn ala quny 100 mlrd teńge bolatyn tórtinshi kezeńin jáne quny 2,7 trln teńge bolatyn Beıneý-Bozoı-Shymkent magıstraldyq gaz qubyrynyń ekinshi tarmaǵyn salý jónindegi tehnıkalyq-ekonomıkalyq negizdeme ázirlenip jatyr», - dedi Energetıka mınıstri.
