Reseıden Qazaqstanǵa ákelingen jolbarystardyń esimderi belgili boldy
ASTANA. KAZINFORM — Qazaqstanǵa popýlıatsııany qalpyna keltirý úshin jetkizilgen tórt jolbarysqa esim berildi, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
Qazaqstan men Reseı taraptarynyń birlesken sheshimi aıasynda jolbarystarǵa eki eldiń yntymaqtastyǵyn jáne jobanyń Ortalyq jáne Shyǵys Azııa tabıǵatymen tarıhı baılanysyn bildiretin esimder berildi:
- atalyq jolbarys — Amýr;
- analyq jolbarys — Úmit;
- erkek kúshik — Turan;
- urǵashy kúshik — Ýssýrı.
— Qazaqstanǵa jetkizilgennen keıin jolbarystar «Іle-Balqash» memlekettik tabıǵı rezervatynyń arnaıy daıyndalǵan volerlerine ornalastyryldy. Qazir olar mamandar men veterınarııalyq qyzmet ókilderiniń turaqty baqylaýymen beıimdelý kezeńinen ótip jatyr. Janýarlar jańa tabıǵı-klımattyq jaǵdaılarǵa sátti beıimdelip keledi, olardyń jaǵdaıy turaqty dep baǵalanyp otyr, — deıdi mamandar.
Aldaǵy ýaqytta beıimdelý kezeńi men janýarlardyń jaǵdaıyn keshendi baǵalaý aıaqtalǵannan keıin olardy tabıǵı ortaǵa jiberýge daıyndyq júrgiziledi. Jiberý aldynda jolbarystarǵa spýtnıktik qarǵybaýlar taǵylady. Bul olardyń qozǵalysyn turaqty baqylaýǵa jáne mamandardyń jedel súıemeldeýin qamtamasyz etýge múmkindik beredi.
Buǵan deıin Reseı Qazaqstanǵa tórt Amýr jolbarysyn syıǵa tartqanyn jazdyq.
Sonymen qatar Vladımır Pýtın Amýr jolbarystaryn Qazaqstanǵa berýdiń maqsatyn túsindirdi.
