Reseıden qazaqstandyq bala anasyna qaıtaryldy - QR SІM
Bul týraly QR Syrtqy ister mınıstrliginiń resmı ókili Aıbek Smadııarov aptalyq brıfıngte málimdedi.
«Ótken jyly QR azamaty Dana Ámeeva óz ulyn RF Kalınıngrad qalasyndaǵy ákesinen qaıtara almap edi. Osy demalys kúnderi bizdiń dıplomattardyń kómegimen ata-analar kelisimge keldi. Qazir bala anasynyń qasynda Almatyda. Olar keshe ushyp keldi. Bizdiń Sankt-Peterbýrgtegi konsýlymyz Kalınıngrad qalasyna jeke ózi alyp bardy jáne balanyń anasyna tapsyrylýyn qadaǵalady», - dedi Aıbek Smadııarov.
Eske sala ketsek, ótken jyly qazaqstandyq áıel Dana Ámeeva balasyn qaıtarý boıynsha QR Syrtqy ister mınıstrliginen kómek suraǵan edi. Kezinde ol Reseı azamatyna turmysqa shyǵyp, Kalınıngrad qalasyna kóshken. Otbasylyq sebeptermen eki jyldan keıin ajyrasqan jáne Kalınıngrad qalasynyń soty balany anasymen qaldyrý týraly sheshim shyǵarǵan. Alaıda, balanyń ákesi sot sheshimin oryndamaı, Belarýs pen ózge de Eýropa qalalary arqyly sábıdi alyp ketken.
