Reseıden qashqan qylmysker Aqmola oblysynda ustaldy
KÓKShETAÝ. QazAqparat – Reseı izdeý jarııalaǵan qylmysker Aqmola oblysynda ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 2019 jyldyń 15-17 qazan aralyǵynda oblys aýmaǵynda «Qańǵybas» jedel aldyn alý sharasy ótken.
«Shara barysynda Atbasar aýdany aýmaǵynda krımınaldy polıtsııa bólimshesiniń qyzmetkerleri 41 jastaǵy qylmyskerdi ustady. Oǵan Reseıdiń Máskeý oblysynyń Іshki ister bas basqarmasy memleketaralyq izdeý jarııalaǵan. Osyǵan baılanysty reseılik áriptesterge habarlandyrý joldandy», - deıdi PD baspasóz qyzmetindegiler.
Vedomstvodan atap ótkendeı, shara barysynda kópqabatty turǵyn úılerdiń 254 jertólesi, 316 káriz qudyǵy, 183 ıesiz ǵımarat, 292 úı shatyry, vokzal aýmaǵy, qalalyq bazar men saýda oryndary tekserildi. Aktsııanyń alǵashqy eki kúni polıtsııa bólimine 443 qańǵybas jetkizilip, foto jáne daktoloskopııalyq esepke alyndy.
Sonymen qatar, iz-túzsiz joǵalǵan 7 adamnyń júrgen jeri anyqtalyp, qańǵybastar tarapynan jasalǵan birqatar usaq qylmystyń beti ashyldy.
