Reseıden eki ushaq dári-dármek jetkizildi
ALMATY. QazAqparat - Almaty áýejaıyna azamattyq avıatsııanyń birinshi borty keldi, al ekinshi bort búgin keshirek kútilýde. Azamattyq avıatsııanyń eki borty Máskeýden 55 tonna medıtsınalyq dári-dármek jetkizdi, onda koronavırýs ınfektsııasy men pnevmonııany emdeýge arnalǵan, vırýsqa qarsy jáne dene qyzýyn túsiretin preparattar, antıkoagýlıanttar men antıbıotık bar, dep habarlaıdy QazAqparat QR DSM baspasóz qyzmetine silteme jasap.
Jýyrda Qazaqstan dárihanalaryna 150 myńǵa jýyq «Azıtromıtsın» tabletkasy, mıllıonǵa jýyq «Tseftrıakson», «Tamıflıý» preparatynyń 150 myń paketi, «Arbıdoldyń» 50 myń oramasy jáne arnaıy reıstermen kelgen basqa da qajetti medıtsınalyq preparat túsedi.
«Bul dári-dármek bir aıǵa jetkilikti. Kelgend ári-dármekter birkelki úlestirilip, jaqyn kúnderi óńirlerge jedel jetkiziledi. Osy bort kelesi aptadaÚndistannan da dári-dármek tasymaldaıdy. Dári-dármekpen qamtamasyz etýdiń qoljetimdiligin arttyrý jáne dári-dármekterge barlyq qajettilikti jabý maqsatynda mundaı is-sharalar aı saıyn uıymdastyrylatyn bolady.», delingen habarlamada.
Vedomstvonyń málimdeýinshe, dári-dármekti Azamattyq avıatsııa komıtetiniń arnaıy borttarymen jedel jetkizý – naryqty joǵary suranysqa ıe dári-dármek pen jedel qamtamasyz etý úshin Úkimet ázirlegen sharalardyń biri. Mundaı reıster Qazaqstandaǵy dárihana jelilerin turaqty túrde dári-dármekpen tolyqtyryp otyrady.
