Reseıden avıaotyn ákelýge tyıym salyndy – Energetıka mınıstrligi sebebin túsindirdi

ASTANA. QazAqparat – Energetıka mınıstrligi Reseı Federatsııasynan avıakerosın ımportyna nelikten tyıym salynǵanyn túsindirdi, dep habarlaıdy QazAqparat.

«Qazaqstandyq áýejaılardyń qajettiligi úshin Reseı Federatsııasynan avıakerosın ımportynyń artyq bolýyna baılanysty 420-dan astam vagon–tsısterna nemese 25 myń tonna Almaty qalasy mańyndaǵy temirjolda jáne 100-den astam vagon nemese 6 myń tonna Astana qalasy mańyndaǵy temirjol boıynda tur», – delingen vedomstvo taratqan habarlamada.

Sonymen qatar mınıstrlik aýa temperatýrasy 20-30 gradýstan joǵary bolǵan jaǵdaıda órt qaýpi baryn eskertip otyr.

«Sondaı-aq avıakompanııalar men áýejaılardan jóneltý týraly ótinimderdiń bolmaýyna baılanysty munaı óńdeý zaýyttarynda ónimniń artyq bolýy jáne qaıta óńdeýdiń tómendeý qaýpi bar. Osyǵan baılanysty, 8 maýsymda mınıstrlik «Qazaqstan temir joly» AQ-ǵa jaǵdaıdy qalypqa keltirgenge deıin Reseı Federatsııasynan avıaotyn ákelýge konventsııalyq tyıym salý týraly hat joldady», – deıdi mınıstrlikten.

Buǵan deıin BAQ betterinde Reseıden avıaotyn ımportyna bir aıǵa tyıym salynǵany jóninde habarlanǵan bolatn.