Reseıden arzan kólik: Semeı turǵyny alaıaqqa 2,8 mln teńgesin berip qoıǵan
SEMEI. QazAqparat – Semeı qalasynyń turǵyny arzanǵa kólik almaqshy bolyp, alaıaqtyń arbaýyna ilikti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan 52 jastaǵy er adam beıtanys bireýdiń ózin aldap soqqanyn aıtqan. Belgili bolǵandaı, alaıaq jábirlenýshige Reseı Federatsııasynan «Land Cruzer» avtokóligin naryqtaǵydan áldeqaıda tómen baǵaǵa ákelip berýge ýáde etken. Buǵan sengen azamat oǵan 2 800 000 teńgesin bere salǵan.
«Jedel-izdestirý sharalaryn júrgizgen krımınaldyq polıtsııa qyzmetkerleri 38 jastaǵy qala turǵynyn qolǵa túsirdi. Kúdikti óz kinásin moıyndap otyr», - dep habarlady vedomstvo ókilderi.
Qazirgi ýaqytta atalǵan fakti boıynsha QR QK-niń 190-baby 3-bóligine sáıkes sotqa deıingi tergeý amaldary júrgizilýde.
